કળ વળી છે, અને ધારણા કરતા ઘણી સારી
January 04, 2021
અંદર બહાર ગુજરાત
જપન પાઠક
પાછલા વર્ષે જૂનના મહિનામાં ગુજરાત સરકારે રાજ્યની આર્થિક સ્થિતિ અંગે ચિંતા વ્યક્ત કરી હતી અને કહ્યું હતું કે કોરોનાવાઇરસની પરિસ્થિતિને કારણે જે સ્થિતિ ઉભી થઇ છે તેમાં હાલ સરકારમાં નવી ભરતી-િનમણૂંકો અને નવી એસટી બસો સહિતના નવા વાહનોની ખરીદી બંધ રહેશે. સરકારે આ સાથે પેટ્રોલ પરના વેટના દરોમાં પણ વધારો કર્યો હતો. જો કે હવે ગુજરાત સરકારે ભરતી પણ શરુ કરી દીધી છે અને પહેલી જાન્યુઆરીએ મુખ્યમંત્રીએ એક હજાર નવી એસટી બસોની ખરીદીની પણ જાહેરાત કરી દીધી છે એ જોતા માની શકાય છે કે આર્થિક તંગીનું ગુજરાત સરકારના માથે ઝળુંબી રહેલું કોરોનાવાઇરસ સંલગ્ન સંકટ હવે દૂર થયું છે. ગુજરાત સરકારને પેટ્રોલ-ડીઝલ પરના વેલ્યુ એડેડ ટેક્સ(વેટ)થી અને જીએસટીથી મહદ આવક થાય છે. જો કે પેટ્રોલ ડીઝલનો વપરાશ કોરોનાકાળમાં ઘટ્યો છે પરંતુ પ્રતિ લીટર બે રુપિયા વેટ વધારવાના જૂનના નિર્ણયથી સરકારને રાહત વર્તાઇ છે. વાહનોના વેચાણ અને સ્ટેમ્પ ડ્યુટીથી થતી આવક લોકડાઉન હટતા પુનઃ શરુ થઇ છે. વીજ વપરાશ પુનઃ સામાન્ય થતા ઇલેક્ટ્રીસીટી ડયુટીની આવક પણ પુનઃ સામાન્ય થઇ છે. સરકારનો અંદાજ કોરોનાની સ્થિતિથી ત્રેવીસથી ચોવીસ હજાર કરોડના ગાબડાનો હતો. જો કે જીએસટીની આવકમાં લોકડાઉન પછીના મહિનાઓમાં અગાઉના વર્ષની સરખામણીમાં ઘણો સારો વધારો જોવા મળ્યો છે તેથી પરિસ્થિતિ ધારણા મુજબની ખરાબ નથી થઇ. નવેમ્બર 2020માં નવેમ્બર 2019 કરતા 11 ટકા વધુ જીએસટી આવક થઇ. સપ્ટેમ્બર 2020માં 2019ની સરખામણીમાં છ ટકા વધુ આવક થઇ. ઓગસ્ટમાં અગાઉના વર્ષના ઓગસ્ટની આવકની સરખામણીમાં 3 ટકા જેવો નજીવો ઘટાડો હતો. માર્ચ-એપ્રિલ-મે-જુન-જુલાઇનો ફટકો અલબત્ત ભારે હતો. પરંતુ પરિસ્થિતિએ સપ્ટેમ્બરથી સુધરવાનું શરું કર્યું તો ડિસેમ્બર 2020ની ગુજરાતની જીએસટીની આવક ડિસેમ્બર 2019ની તુલનાએ 15 ટકા વધુ હતી. ટૂંકમાં કોરોનાવાઇરસે આર્થિક તંત્ર પર કાયમી ઘા લાગે તેવી સ્થિતિ નથી સર્જી અને મહદઅંશે સ્થિતિ સુધરી છે, તો જીએસટીના આંક જોતા તો સ્થિતિ માત્ર સુધરી નથી પણ ક્યાંક બહેતર પણ થઇ છે. ભરતી-નિમણૂંકોની બહાલી, મોટા પ્રોજેક્ટોના ધડાધડ ઉદઘાટન અને શિલાન્યાસ તથા એક હજાર બસની ખરીદી, લોકડાઉને સર્જેલી સ્થગિતતા પછી રાહતની સ્થિતિ સૂચવે છે.
Related Stories
માધવસિંહના યુરોપ પ્રવાસની પૂર્વભૂમિકા
પત્રકારો શોધી શોધીને ભાથામાંથી બાણ કાઢતા જાય , ક્રિશ્નગોપાલ ઠંડા પાણીની ડોલે ડોલ ઠાલવતા જાય
ઓસ્ટ્રેલિયાના રાજદૂતે સીઆર પાટીલ પાસેથી ચૂંટણી જીતવાની ટીપ્સ માંગીને લીધી
માધવસિંહ સોલંકી યાદ કરે છે એ પ્રસંગો
પાટીલની નવી પલ્ટન
પ્રતિષ્ઠિતની પળવારની પડતી પણ ચોકોર ચિંતા પ્રસારે
સૂર્યોદયથી તપતો રહેશે સૂરજ
પ્રભાવશાળીનું બિરુદ આપતો એવોર્ડ પ્રભાવશાળી નથી
બેટ દ્વારકાનો પુલ અને કે.કા.શાસ્ત્રીનો એ ચાલીસ વર્ષ જૂનો લેખ
'દિનકરભાઇનું નામ નહીં હોય ત્યાં સુધી ગુજરાતના ઉમેદવારોની યાદી નહીં નીકળે'
Gujarat govt announces payment of Diwali bonus, pending dearness allowance arrears
GPSC announces recruitment for 1203 posts in Gujarat government
Be ready for PI, STI etc future exams of GPSC any day after 100 days: Dinesh Dasa
Recruitment procedures for State government jobs to resume
Gujarat government hikes VAT on petrol, diesel by Rs. 2 per litre from midnight
Gujarat govt thinking to level petrol-diesel prices at par with other states: Nitin Patel
Recent Stories
- Transfers , Promotions of 35 IPS Officers in Gujarat; Surat, Vadodara get new Police Commissioners
- BJP releases its Manifesto
- BJP declares list of 40 star campaigner for polls/by-polls in Gujarat
- Congress declares final list of candidates for Lok Sabha polls, assembly bypolls in Gujarat
- Driver runs over 1-year-old girl in Ahmedabad; nabbed
- Yuva Rajput Sabha of Jammu announces Rs. 11 lakh reward for Rupala's tongue
- Letter in support of Parshottam Rupala goes viral